logoru
logo

Шымкентте жұмыс істеген ойынхана мен мейрамханалар анықталды

  • Бөлім:  Оқыс-оқиға
  • Оқылды 92 рет

KAZUS.KZ. Шымкентте бір қатар кәсіпкерлік нысанның карантин ережелерін елемей жұмыс істегені белгілі болды. Бұл туралы ҚазАқпарат Полиция департаментіне сілтеме жасап хабарлайды.

24 шілде күні сағат 22:35 шамасында Шымкент қаласы Полиция департаменті Әл-Фараби ауданы Полиция басқармасы Шымкент қаласы Дулати көшесі №122 үйде орналасқан «Ықылас» кафесінің жұмыс жасап жатқанын анықтаған.

Сондай-ақ, Еңбекші ауданы Полиция басқармасы жергілікті полиция қызметі №38 УПП қызметкерлерімен рейдттік шара жүргізу барысында 24 шілде сағат 22:00-де Шымкент қаласының Бас мемлекеттік санитарлық дәрігерінің №25 Қаулысында көрсетілген талаптарды өрескел бұзған Сайрам көшесінің бойында орналасқан «КИНГ ХАУС» ғимаратындағы компьютерлік ойынхана жұмыс жасап тұрғаны анықталды.

Рейдтік шара барысында дәл осы Сайрам көшесі бойында орналасқан «Сұлтан» кафесінің ішінде бір топ азаматтардың тамақтанып отырғаны анықталды. Осыған байланысты аталған заң бұзушылықтар бойынша жинақталған іс-құжат Әл-Фараби және Еңбекші ауданы Тауарлар мен көрсетілетін қызметтердің сапасы мен қауіпсіздігін бақылау басқармаларына жолданды.